Дентал Крафт е основана во 2005 година од страна на г-дин Александар Блажевски, кој важи за искусен и еминентен забен техничар.

Располагаме со врвен тим, најсовремена опрема и важиме за лидери во производството на заботехнички изработки за домашниот пазар. Квалитетот на изработките, беспрекорната услуга, пристапните цени и најсовремената технологија се клуч на нашиот досегашен успех. Токму затоа илјадници клиенти од земјава и од странство одлучија да соработуваат со нас.

Располагаме со најсовремени компјутери, скенери, 3Д програми за моделирање како и останата апаратура, но посебна гордост на нашата лабораторија претставува новиот CAD/CAM центар кој е опремен со најнов модел на ултра модерна компјутерски раководена машина од германско потекло. Користиме исклучиво проверени и квалитетни материјали од реномирани светски производители, кои се сигурни, безбедни и ги запазуваат сите пропишани норми и стандарди. Работиме брзо, ефикасно и квалитетно. Постојано инвестираме во нова опрема и континуирано ги едуцираме нашите вработени.
 
Нашата лабораторија континуирано се усовршува и навремено ги имплементира новите технологии и трендови од областа на забната техника и стоматологијата. Нудиме широка палета на заботехнички изработки, а првенствено сме специјализирани за изработка на:
безметална керамика;
метал керамика;
реконструкции врз имплантати;
комбинирани изработки.

Нашата деловна стратегија се базира врз принципите на одлична услуга, висок квалитет и пристапни цени. Во секој сегмент од нашето работење правиме се што е неопходно нашите соработници и клиенти да бидат задоволни во секој поглед. За разлика од нашите конкуренти, важно е да се знае дека Дентал Крафт со самото вградување дава и гаранција за секоја заботехничка изработка.
Доколку имате потреба, со особено задоволство ќе одговориме на секое ваше прашање. Без разлика дали сте пациент, забен техничар или стоматолог од земјата или од странство, контактирајте не веднаш. Имаме решение за секој проблем и подготвени сме за секаков вид на соработка.

Што може да сториме за вас?

За нас секој пациент е добредојден. Стоматолошкиот Центар Дентал Крафт нуди комплетен бесплатен преглед. Истиот вклучува консултација со стоматологот, давање предлози за натамошен стоматолошки третман, одредување на временска рамка за изведување на комплетниот зафат. Како и одредување вкупна цена на чинење на третманот. Закажете бесплатен преглед веднаш со едноставен повик на телефонскиот број 02/3113-001 или на социјалните мрежи.
 

Во оние случаеви каде што пациентите ќе имаат потреба од протетика, односно изработка на протетско помагало, бесплатниот преглед дополнително вклучува и консултација со забниот техничар. Се со цел предлагање на најдоброто можно решение и потребен временски период за изработка на истиот.

Стоматолошкиот Центар Дентал Крафт има воспоставено златно правило за придржување до однапред договорената цена. За разлика од некои наши конкуренти, нашите пациенти нема да платат ниту денар повеќе, во случај на меѓувремено поскапување на материјалите, разлика во девизниот курс или слично.

Ние во Дентал Крафт веруваме дека иднината на забната техника е во современата компјутерска технологија. Затоа несебично инвестираме во таа насока и посебно сме горди на нашиот ултра модерен CAD/CAM центар кој ни овозможува максимален квалитет и совршена прецизност при изработката на протетските помагала. CAD/CAM центарот на Дентал Крафт е опремен според највисоките светски стандарди, што резултира со изработка на совршени заби во рекордно краток временски рок.

Постапката започнува со препарирање на забите од страна на вашиот стоматологот. Тоа значи стругање на надворешниот дел од постоечките заби, со цел врз нив да се обезбеди доволен простор за поставување на керамичките заби. Но, што се случува со оние луѓе кои имаат недоволно или пак воопшто немаат заби? Решението лежи во имплантите, тие овозможуваат натамошна сигурна и безбедна реконструкција. Имплантот е титаниумски штраф кој стоматологот го вградува во коската на вилицата, каде за кратко време сраснува со неа. Треба да се знае дека забните импланти се далеку појаки и потрајни од мостовите или протезите и претставуваат најдобро решение бидејќи структурално и функционално се поврзуваат со коската.

Потоа вашиот стоматолог ќе направи отпечаток кој се испраќа кај нас и од тој момент започнува процедурата за изработка на вашите заби во нашата заботехничка лабораторија. Потребно е да знаете дека за изработка на врвни заби, вашиот стоматолог треба да исполни два многу важни предуслови: да направи добра препарација (пожелна е препарација со стапалка) и да изработи најдобар можен отпечаток.

Ние вршиме скенирање на отпечатокот, а добиените податоци ги внесуваме во компјутер. Нашите компјутерски техничари ги обликуваат вашите идни заби во специјален 3Д програм, а компјутерот брзо и прецизно ги пресметува сите потребни параметри и води грижа изработката да биде беспрекорна до најситниот детал. Потоа го одбираме материјалот, го ставаме во друга, исто така целосно компјутеризирана машина каде продолжува автоматизираната изработка на забите. За само неколку минути нашиот современ CAD/CAM систем ги изработува забите со невидена прецизност. Забните техничари од одделението за керамика во Дентал Крафт ги вршат финалните доработки, ја ускладуваат бојата, им даваат целосно природен изглед и готовите изработки ги предаваат во одделот за контрола на квалитетот. Изработките кои ќе го поминат тестот за квалитет се испраќаат кај стоматологот кому за крај му останува уште да ги вгради готовите заби.

Добро е да се знае дека материјалите од кои се прават забите на овој начин се карактеризираат со голема цврстина и врвен квалитет, а гледано од уметничка страна, изработките се вистински ремек дела. Вака изработените заби на нашите пациенти им гарантираат извонредна функција, долговечност и одлични резултати во секој поглед. Целата процедура се одвива многу брзо, во просек трае од 3 до 8 дена. На крајот, секој пациент кој има вградена наша изработка добива гаранција која важи 1 година. На нашите пациенти им гарантираме дека во случај на евентуален проблем кој не е предизвикан од механичка или насилна природа, ќе им биде извршена бесплатна интервенција и ќе им биде вградена комплетно нова заботехничка изработка.

Кој е нашиот тим?

Нашиот тим е составен од искусни, докажани и вешти забни техничари, кои пред се сакаат во континуитет да се усовршуваат и да ги применуваат новите методи, техники и знаења. Низ годините, нашиот тим прерасна во една голема фамилија и слободно може да кажеме дека денес Заботехничката Лабораторија на Дентал Крафт располага со врвен тим кој со заеднички напори дава максимални резултати.
Добриот менаџмент и искусните вработени се клуч за успехот на секоја компанија. Ние во Дентал Крафт тоа добро го знаеме и горди сме што може да им излеземе во пресрет дури и на најтешките предизвици. Ова се нашите вработени кои со своето знаење и искуство поимот забна техника го позиционираа на ново, многу повисоко ниво.

Заинтересирани сте за соработка?

Отворени сме за соработка со сите заинтересирани стоматолошки ординации и заботехнички лаборатории од нашата држава и странство. Нудиме брза и квалитетна услуга во најкус можен рок. За нашите изработки имаме бесплатна достава до клиентите, без оглед на земјата во која се врши испораката. Изработките ги испорачуваме навремено, во претходно договорен временски рок. За клиентите кои имаат ургентна потреба, обезбедуваме приоритетен треман за производство и испорака.

СОРАБОТКА СО СТОМАТОЛОШКИ ОРДИНАЦИИ

Нашите производи се квалитетно и прецизно изработени. Нудиме широка палета на комплетно готови заботехнички изработки, кои самите по себе претставуваат уметнички дела на докажани и искусни забни техничари. CAD/CAM изработките се врвот на современта технологија, но тоа е само мал дел од нашата понуда. Нашите оддели за безметална керамика, метал керамика, комбинирани изработки и мобилна протетика изработуваат различни продукти со докажан квалитет. Работиме со проверени и сертифицирани материјали и даваме гаранција за секоја наша изработка. Покрај класичната метода на работење со земени отпечатоци, изработуваме протетски помагала според испорачан скен фајл од интра орален скенер. На овој начин обезбедуваме совршена прецизност на нашите изработки, а воедно изработката се одвива во пократок временски рок.

СОРАБОТКА СО ЗАБОТЕХНИЧКИ ЛАБОРАТОРИИ

Доколку имате потреба од полу-готови заботехнички изработки по прифатливи цени, слободно јавете се кај нас. Нашиот фрез-центар може да ви испорача прецизно изработени заботехнички капици од циркон, титан, e.max, или готова плоча за скелетирани протези. Во овој случај вашата лабораторија ќе изведе нанесување и печење на керамика, или вметнување на заби во случајот со скелетираните протези. На овој начин можете да добиете драгоцено време, да се фокусирате исклучиво на завршниот уметнички дел, а изработките од вашата лабораторија да претставуваат готови уметнички изработки. Исто така, вршиме компјутерско дизајнирање на конструкции (CAD Design) по испорачан скен фајл од ваша страна кој ви го доставуваме по емаил.

Бесплатна достава

Ние нудиме опција за бесплатна достава на било кои од нашите заботехнички продукти во земјата и странство. Откако ќе бидат изработени, ги доставуваме во рок од 6 часа низ републиката, а со DHL, TNT или FedEx за помалку од 24 часа нашите продукти пристигаат до било која дестинација во Европа. Сите нарачки се изработуваат приоритетно, што подразбира дека самата изработка трае од 3 до 8 работни дена во зависност од тежината на случајот. Нашата соработка со стоматолошките ординации и заботехничките лаборатории од земјите на Европската Унија се одвива според претходно договорен начин. Доколку изразите интерес за соработка, слободно контактирајте не. Ние ќе дојдеме да ве посетиме каде и да сте. Откако ќе склучиме договор и ги договороме принципите за соработка, се што треба е да ни испратите прецизна мерка или скен фајл и налог за изработка. Изработката со гаранција ќе ви биде испорачана во претходно договорениот рок.

Во моментов, имаме одлична соработка со повеќе докажани стоматолошки ординации од Германија, Швајцарија, Австрија и Италија. Ниската цена на работната сила во нашата држава ни овозможува да можеме да понудиме врвни продукти по прифатливи цени, односно цени кои се дури и до 70% пониски од цените во најнапредните европски држави. Нашите клиенти од странство најчесто ни велат дека од нас добиваат далеку подобар квалитет за многу пониски цени. Тоа е нашата бизнис стратегија и на тој основ планираме и натаму во иднина да ја градиме нашата соработка со партнерите од странство.